جس طرح مسلمان ماضی کے زخموں کو یاد کر کے ناسور بنا دیتے ہیں اسی طرح شاندار ماضی کو یاد کرکے دوبارہ استحکام حاصل کرنے کی کوشش کرنا چاہیے. اگر لکھاری ایسا نہیں کرتا ہے تو پھر وہ نِرا بَمّن ہے اور سماج کے لیے ناسور ہے.
ایک زمانہ تھا. بھیڑ جب جم جاتی تھی تو اچھے اچھوں کا پانی نکل جاتا تھا. اُس وقت بھیڑ کا مطلب انقلاب ہوا کرتا تھا. اسی بھیڑ نے شاہ بانو کیس کو بدل ڈالا. آج کی بھیڑ وہ بھیڑ نہیں ہے. پیسہ دے کر گاڑیاں بھر بھر کر بےروزگاروں کو جمع کرنا، غیر تعلیم یافتہ اور لاشعور طبقہ کے سامنے تقاریر یہ سب در اصل شخصیت سازی کا نشہ ہے اور قوم کا ہر وہ ابھرتا خادم اس نشہ میں پہلے والے خدام سے زیادہ دھت نظر آتا ہے.
بحران آتا ہے. امیری آتی جاتی رہتی ہے. سیاسی اتار چڑھاؤ ہوتا رہتا ہے. مذہبی قیادتیں باتیں کرتی ہیں. ہاتھ بھر بھر کر لکھا جاتا ہے. جتنی لمبی زبان اتنی لمبی بحث... ... جتنے مسلم مفکر ہیں وہ معاشی فکروں سے آزاد ہیں. انکی یہ آزادی عوام کی مرہونِ منت ہے... پھر بھی انقلاب نہیں آتا.
مسلمانوں کی ایک آدھ تنظیم کو چھوڑ باقی سب راجواڑے ہیں. تنظیم کا امیر تانا شاہ اور اسکے ماتحت کام کرنے والے سب اسکے غلام.... دنیا کو دکھانے کے لیے آٹے میں نمک کے برابر معتدل و سنجیدہ افراد کو لیا جاتا ہے اور اس پر بھی انکی راءے کو حاشیہ پر رکھا جاتا ہے.. کمال ہوشیاری یہ ہوتی ہے کہ اپنی سوچ کو تنظیم کا اخلاقی ڈھانچہ بتا کر نافذ کیا جاتا ہے. جو انکی سوچ سے میل نہیں کھاتا اسے گھانس تک نہیں ڈالتے اور جو انکے پچھواڑے چمٹا رہتا ہے اسکی چاندی ہی چاندی.
میں تو اب ہر ابھرتی تحریک اور ہر نئے نام کو پیتل پر سونے کی ملمع کاری سمجھتا ہوں.
پیڈ آرٹیکلس اور پیڈ پبلک ریلیشنز کمپنی و افراد کے ذریعے یہ بامِ عروج تک پہونچتے پہونچتے اچانک غائب ہوجاتے ہیں. پیسہ ختم قصہ ختم..
اگر واقعی کچھ لوگ مخلص ہیں تو پھر انھیں اخوان کی طرح کام کرنا چاہیے.